不聽老人言 吃虧在眼前…之後呢？

不聽老人言，吃虧在眼前照字面解並唔難理解…
即係唔聽大人講嘢，蝕底既只有你自己…
我哋先唔抹殺呢個道理，但最確實既係好多家長利用呢句說話，令到小朋友屈服喺自己淫威之下…

「你咪唔好聽我講，蝕底咗、行冤枉路既只有你自己，唔關我事」

何謂係語言武器集擋箭牌於一身，
彷彿講咗呢句說話會令自己小朋友聽自己話
佢唔聽話喺出面遇到挫折就可以講：話咗你架啦，
然後將自己既責任推得一乾二淨。

其實呢句說話仲有下一句，
不過亦怕出咗呢句會令孩子以為唔聽大人講嘢係啱既～

下一句係：
盡信老人言，終身未向前

即係一味聽大人講嘢，無獨立思考、無自己思想、盲目去服從，呢一世人難以有突破。

全文是：
不聽老人言，吃虧在眼前
盡信老人言 ，終身未向前

大人、長輩同孩子既關係如同人與人之間既關係，先學會基本互相尊重才能昇華到尊敬。

一味「不聽老人言 吃虧在眼前」 小心孩子唔服你～